მაღალმთიან აჭარაში აგვისტოს პირველ შაბათ-კვირას შუამთობის დღესასწაული აღინიშნება. მაღალმთიანი აჭარის იალაღებზე მყოფ მემთეურებსა და ბავშვებს სოფლებსა და ქალაქებში მცხოვრები ოჯახის წევრები და ნათესავები მოინახულებენ.

დღესასწაულთან დაკავშირებით სხვადასხვა სპორტული ღონისძიება იმართება. მაღალმთიანი აჭარის კურორტ ბეშუმში დოღი ტარდება და ასევე, ახალგაზრდები ერთმანეთს ჭიდაობაში, მკლავჭიდში, ფეხბურთსა და სპორტის სხვა სახეობებში ეჯიბრებიან.

შუამთობის დღესასწაულს ასევე, დანიშნული წყვილები სტუმრობენ და ხშირ შემთხვევაში ქორწლიც იმართება.