ანაკლია ელექტონული მუსიკის პირველ ფესტივალს მასპინძლობს - 31 ივლისს Gem Fest-ი Armin Van Buuren-მა გახსნა. Armin van buuren მსოფლიოში, ტრანსის ერთ-ერთი ყველაზე ცნობილი წარმომადგენელია. წარდგენილი იყო „გრემზე". მას მრავალი მუსიკალური ჯილდო აქვს აღებული. მუსიკოსმა სცენაზე გასვლამდე კომენტარი გააკეთა:

„ძალიან მომწონს ქართველები. საქართველოს ვიცნობ, მაგრამ აქ ბევრი მეგობარი არ მყავს. 6000 კომპოზიცია ჩამოვიტანე და ვეცდები, ქართულ პუბლიკას საუკეთესო შევთავაზო", - განაცხადა მუსიკოსმა.

სამი საათის  განმავლობაში Armin van buuren-ის მუსიკა მთელს ანაკლიაში ისმოდა.

ამავე დღეს მთავარ სცენაზე უკრავდნენ უცხოელი და ქართველი შემსრულებლებიც - EVOL WAVES, NUERA, W&W  და SUNNERY JAMES & RYAN MARCIANO.

ფესტივალი მსოფლიო დონის დიჯეებს უმასპინძლებს, მათ შორის ქართველი მუსიკოსებიც მიიღებენ მონაწილეობას. სპეციალურად ფესტივალისთვის ანაკლიაში 5 სცენა და კარვების ქალაქი მოეწყო.

როგორც Gem Fest-ის ორგანიზატორი გიორგი სიგუა აცხადებს, ფესტივალმა მოლოდინს გადააჭარბა: „ეს იყო მთავრობის, კერძო სექტორის, ახალგაზრდების გაერთიანება, რითიც ძალიან მაგარი ბრენდი მივიღეთ!"

ფესტივალის პირველ საღამოზე გრანდიოზული ფეერვერკი გაუშვეს, რომელიც 15 წუთზე მეტ ხანს გაგრძელდა.

ფესტივალზე გაყიდული თითო ბილეთიდან, ერთი ლარი სოლიდარობის ფონდში გადაირიცხება. Gem Fest 7 აგვისტოს დასრულდება.