21-ე საუკუნეში მფრინავი მანქანები მხოლოდ ჰოლივუდის ფილმის ნაწილი არ იქნება.

მოქალაქეები სახლიდან გამოვლენ, ავტოფარეხს მიაშურებენ, სადაც TF-X^TM დახვდებათ - მფრინავი მანქანა, რომლის ახალი მოდელიც მწარმოებელმა კომპანია Terrafugia-მ ცოტა ხნის წინ გამოაქვეყნა.

კომპანია მიიჩნევს, რომ სამომავლოდ ეს მანქანა ტრანსპორტირების ყველაზე სრულყოფილი გზა იქნება. ის უპრობლემოდ მოძრაობს ხმელეთზეც, ასაფრენად კი სიჩქარის "აკრეფა" არ სჭირდება. TF-X^TM-ის დიზაინი ბენ შვეიჰარტს და ვედრან მარტინეკს ეკუთვნის.

TF-X^TM ბევრად უსაფრთხო სატრანსპორტო საშუალება იქნება, ვიდრე თანამედროვე ავტომობილი. მას ავტომატურ რეჟიმში შეუძლია აიცილოს სხვა საჰაერო ტრანსპორტი, ის კომფორტული იქნება ცუდ ამინდში. მფრინავ მანქანას ექნება პარაშუტის სისტემა, რომელიც გაუთვალისწინებელ შემთხვევაში ამოქმედდება და მგზავრს უსაფრთხოდ დასვამს მიწაზე. თუ ოპერატორი (მძღოლი) გარკვეული დროის განმავლობაში უპასუხო რეჟიმში იქნება, TF-X^TM უახლოეს აეროპორტში დაჯდება.

მანქანის მართვის სასწავლად საშუალო შესაძლებლობის მქონე მძღოლს 5 საათზე მეტი არ დასჭირდება.

ვარაუდობენ, რომ TF-X^TM საზოგადოებისთვის ხელმისაწვდომი 8-12 წელიწადში იქნება.