ამიერკავკასიაში ყველაზე გრძელი და დიდი, ვერტიკალური ვარდნის მქონე სათხილმურო ტრასები, დაშვების ყველაზე მაღალი წერტილი, ყველაზე დიდი ფართობი და ხანგრძლივი სეზონი - ეს ახალი კურორტი "თეთნულდია".

სრიალის მოყვარულებს მესტიაში ტრასების გამოცდა უკვე დეკემბრიდან შეეძლებათ. თანამედროვე სტანდარტების შესაბამისი ინფრასტრუქტურის მოწყობა აქტიურად მიმდინარეობს.

სამუშაოებსა და კურორტის განვითარების პერსპექტივებს ჟურნალისტები და ტურისტული კომპანიების წარმომადგენლები გაეცნენ. მედიატურში "მოამბის" გადამღები ჯგუფიც მონაწილეობდა.