თბილისში მიმდინარე უეფას სუპერთასის მატჩში "ბარსელონა" "სევილიას" ამარცხებს. პირველი ტაიმის შემდეგ ანგარიშია 3:1.

აღსანიშნავია, რომ პირველი სამი გოლი შეხვედრის საწყის 16 წუთში გავიდა და სამივე საჯარიმო დარტყმით.

"დინამო არენაზე" ანგარიში ევერ ბანეგამ მე-3 წუთზე გახსნა, თუმცა სევილიელთა სიხარული დიდხანს არ გაგრძელდა - ლიონელ მესიმ ჯერ მე-7, შემდეგ კი მე-16 წუთზე ორიდან ორივე საჯარიმო უნაკლოდ შეასრულა.

ტაიმის მიწურულს სევილიელთა მეკარე ბეტოსთან პირისპირ ლუის სუარესი აღმოჩნდა. ურუგვაელმა თავად ვერ გაიტანა, მაგრამ შეტევა გააგრძელა და ბრწყინვალე პასით რაფინიას გაატანინა - 3:1.