ფეხბურთის ფედერაციის პრეზიდენტის ზვიად სიჭინავას მიერ თანამდებობის დატოვებას პარლამენტის სპორტისა და ახალგაზრდულ საქმეთა კომიტეტის თავმჯდომარის პირველი მოადგილე შოთა ხაბარელი ეხმაურება. ხაბარელი სიჭინავას მუშაობის პერიოდს არადამაკმაყოფილებლად აფასებს:

„ფაქტი სახეზეა, რომ შედეგი არის არადამაკმაყოფილებელი, ცუდი. ფეხბურთის წინსვლას ჩვენ ვერ ვხედავთ ვერანაირი კუთხით.

აქედან გამომდინარე, დაღუპვა კატეგორიული ნათქვამია, ჯერ ყველაფერი წინ არის, მაგრამ სასიკეთო ბევრი არაფერი გაკეთებულა," - განაცხადა ხაბარელმა.