„ხელახალი არჩევნები ფეხბურთის გადასარჩენად აუცილებელია!", - ამ განცხადებას აკეთებს ვიცე-პრემიერი კახა კალაძე ჟურნალისტებთან საუბრისას. კალაძე ზვიად სიჭინავას მიერ ფეხბურთის ფედერაციის პრეზიდენტის პოსტის დატოვებასაც აფასებს:

„ვფიქრობ, სიჭინავას ვადაც ამოეწურა. დაველოდოთ, ვნახოთ ვინ იქნებიან ფეხბურთის ფედერაციის პრეზიდენტობის კანდიდატები, მოვისმენთ - რა პროგრამები ექნებათ, ვინ როგორ აპირებს ქართული ფეხბურთის გაძლიერებას, აღორძინებას.

ჩვენთვის მთავარია, ქართული ფეხბურთი ამოვიყვანოთ იმ ჭაობიდან, სადაც დღეს იმყოფება. ეს არის თითოეული გულშემატკივარის ოცნება, რომ მივხედოთ ქართულ ფეხბურთს.

ვეცდებით, სახელმიწფომ მივიღოთ მონაწილეობა, რომ ეს მდგომარეობა გამოვასწოროთ!", - აცხადებს კალაძე.