აღმასკომის სხდომა ფედერაციაში 15:00 საათზე გაიმართება, რის შემდეგაც თარიღი გახდება ცნობილი.
11 აგვისტოს, უეფა-ს სუპერთასის მატჩის შემდეგ, ფეხბურთის ფედერაციის პრეზიდენტმა ზვიად სიჭინავამ განაცხადა, რომ ერთი კვირის განმავლობაში ფეხბურთის ფედერაციის პრეზიდენტის არჩევნების თარიღი გამოცხადდებოდა. როგორც სიჭინავამ უეფა-ს სუპერთასის მატჩის დასრულების შემდეგ განაცხადა, ფედერაციის საპრეზიდენტო არჩევნებში მონაწილეობას არ მიიღებს.
ამასთან, ამ დროისთვის არსებული ინფორმაციით, ფეხბურთის ფედერაციის პრეზიდენტობის სურვილს სამი კანდიდატი გამოთქვამს.
ტელეკომპანია "იმედის" ინფორმაციით, სფფ-ს პრეზიდენტობაზე შესაძლოა, საკუთარი კანდიდატურა დააყენოს სფფ-ს ყოფილმა პრეზიდენტმა მერაბ ჟორდანიამ. ასევე, საკუთარ კანდიდატურებზე ღიად საუბრობს საქართველოს ნაკრების ყოფილი ფეხბურთელი ლევან კობიაშვილი. ასევე, ფეხბურთის ფედერაციის გენერალური მდივანი რევაზ არველაძე.
ფეხბურთის ფედერაციის პრეზიდენტი ზვიად სიჭინავა, უეფა-ს სუპერთასის დასრულების შემდეგ გადადგა. ის ფედერაციის საპრეზიდენტო არჩევნებში მონაწილეობას აღარ აპირებს.
