საქართველოს პრემიერ-მინისტრმა ირაკლი ღარიბაშვილმა ბათუმში, სასტუმრო „კოლიზეუმის" გახსნის შემდეგ განაცხადა, რომ წელს ბათუმში 20 სასტუმროს მშენებლობა მიმდინარეობს, რომლის საერთო ღირებულება 700 მილიონ დოლარს შეადგენს.
პრემიერის თქმით, მზარდი მოთხოვნა სასტუმროებსა და ტურისტულ ობიექტებზე კიდევ ერთხელ მიუთითებს , რომ ტურისტების რაოდენობა სულ უფრო და უფრო მატულობს.
პრემიერ-მინისტრის განმარტებით, როგორც გასულ წელს, ასევე მიმდინარე სეზონზე ტურისტების უპრეცედენტო რაოდენობა ფიქსირდება. პრემიერის თქმით, ტურიზმს ქვეყანაში უფრო მეტი ხელშეწყობა და წახალისება სჭირდება.
„ეს კიდევ ერთხელ მიუთითებს , რომ მოთხოვნა არის მზარდი. ტურისტების რაოდენობა სულ უფრო და უფრო მატულობს საქრათველოში, აჭარაში. მოგეხსენებათ, რომ უპრეცედენტო რაოდენობის ტურისტები დაფიქსირდა გასულ წელს და ფიქსირდება მიმდინარე წელსაც. ტურიზმის ზრდა არის საგრძნობი ქვეყანაში. ასე, რომ ამ მიმართულებას სჭირდება წახალისება და მეტი ხელშეწყობა", - განაცხადა ირაკლი ღარიბაშვილმა.
