ამინდის გაუარესების გამო ადიდებულმა მდინარე არღუნმა  სოფელ ხონისჭალასთან მისასვლელი საავტომობილო ხიდი წაიღო, რის შედეგადაც გზა ჩაიკეტა. შსს-ს სასაზღვრო პოლიციის მეექვსე სამმართველოს (ბარისახო) პირველი სასაზღვრო სექტორის (მუცო) და დროებითი სასაზღვრო პოსტ „ჰუროს" თანამშრომლებმა, წარმატებით ჩატარებული სამაშველო ოპერაციის შედეგად, მდინარის იქით, სოფელ ხონისჭალაში დარჩენილი 11 ტურისტი:   საქართველოს 2, გერმანიის ფედერაციული რესპუბლიკის  2 და რუსეთის 7 მოქალაქე  უვნებლად გადმოიყვანეს.