ფოთში ცენტრალური ქუჩების ნაწილი დაიტბორილია. ძლიერი წვიმის გამო წყალმა მოსახლეობის საცხოვრებელი სახლების პირველ სართულებში შეაღწია და საყოფაცხოვრებო ტექნიკა დააზიანა.

რამდენიმე საათის განმავლობაში ქალაქის მცხოვრებლების ნაწილს ელექტროენერგიის მიწოდება შეუწყდა. როგორც ცნობილია,  ელექტროენერგიის შეზღუდვა ერთ-ერთ ქვესადგურზე მეხის დაცემამ გამოიწვია.

ამ ეტაპზე ქალაქს ელექტროენერგია სრული დატვირთვით მიეწოდება, მერიამ კი 24 საათიან რეჟიმში დაიწყო მუშაობა.

გადაუღებლად წვიმდა ანაკლიაშიც.