ლექტორი ზაზა სიამაშვილი ბათუმში ძლიერი წვიმის შედეგებზე სოციალურ ქსელში წერს:

„გუშინდელი ღამე... რაც ვნახე, რასაც შევესწარი, - ყველაფერს გადააჭარბა... წვიმა და შტორმი სად არ მინახავს, მეტადრე ბათუმს ამით როგორ გააკვირვებ, მაგრამ... უგულობა, ფეხებზე-მკიდია დამოკიდებულება და ამ დონეზე??? რას ფიქრობს ეს ორი ადამიანი ან სად დადიან, სად ერთობიან, რომ ვერ იცლიან ქალაქისთვის???!!! რა გჭირთ, რა გეტაკათ, რა იშოვნეთ??? იქნებ, მოკვდით და დაიტბორეთ??? ქალაქი არის გამეტებეული, ქალაქი არის უპატრონო - აი, რა მესმოდა გუშინ... გადარჩა ბათუმი და კვლავაც გადარჩება, მაგრამ თქვენ არ გადარჩებით, თქვე უნდა გამოგიყვანოთ წირვა ისევ ამ ,,გამეტებულმა" ხალხმა... ვკითხულობ ,,ყვარყვარეს" და მენანება დიდი დრამატურგი - თქვენ რომ ვერ შეგესწროთ...", - წერს სიამაშვილი. 

შეგახსენებთ, წუხელ ბათუმშიძლიერი წვიმის შედეგად რამდენიმე ქუჩა, მათ შორის 26 მაისის ქუჩის ნაწილი, პუშკინიდან ბაგრატიონის ქუჩების კვეთამდე, დაიტბორა. ასევე დაიტბორა საცხოვრებელი სახლების პირველი სართულები, საიდანაც წყლის ამოტუმბვა ამ დრომდე მიმდინარეობს.

ქალაქში ღამის განმავლობაში, სახანძრო-სამაშველო სამსახური 300-ჯერ გამოიძახეს.

ადგილზე მუშაობენ სამაშველო და სახანძრო სამსახურების წარმომადგენლები. ამჟამად ბათუმში აღარ წვიმს.