სოციალურ ქსელში ვრცელდება ფოტო, სადაც ჩანს, რომ ბათუმში მდებარე „ალი და ნინოს" სკულპტურა დაზინებულია. სოციალურ ქსელებში წერენ, რომ ქანდაკება სპეციალური ტექნიკის გამოყენებით სხვა ადგილზე გადაჰქონდათ, რა დროსაც დაზიანდა.

„ალი და ნინოს" ავტორი უცხოეთში მოღვაწე ქართველი მოქანდაკე თამარ კვესიტაძეა.

„მავნებლები! ალი და ნინოს ქანდაკების ე.წ. „გადატანის" დროს ერთ-ერთი ფიგურა ასწიეს მხოლოდ ერთი თოკით, ჩამოუვარდათ და დაამსხვრიეს ეს სილამაზე! ძალიან ცუდად ვარ!!!", - წერს სოციალური ქსელის მომხმარებელი. 

გავრცელებული ინფორმაციით ძლიერმა წვიმამ მონუმენტის საძირკველი დააზიანა, რის შემდეგაც მისი დემონტაჟი და სხვა ადგილზე გადატანა გადაწყდა.