"ალი და ნინოს" სკულპტურას მცირე დაზიანება აქვს და აღდგება", - ეს განცხადება ბათუმის ბულვარის ადმინისტრაციის დირექტორმა გიორგი ზირაქაშვილმა ჟურნალისტებთან საუბრისას გააკეთა.  მისივე თქმით, გადატანის დროს ბაგირი გაწყდა და სკულპტურას ორი-სამი ფრთა აქვს დაზიანებული.

"დაზიანება ძალიან მცირეა. კომპანიის ხელმძღვანელს ვესაუბრე, რომელმაც მითხრა, რომ ერთი კვირის ფარგლებში ეს აღდგება და ყველაფერი იქნება რიგზე", - განაცხადა ზირაქაშვილმა.

თუ რატომ მიიღეს სკულპტურისთვის ადგილის შეცვლის გადაწყვეტილება, ზირაქაშვილი განმარტავს, რომ აქვს ექსპერტიზის დასკვნა, სადაც ნათლად წერია გარემოება, რომ შეუძლებელია ამ ადგილზე ნაპირის გამაგრება.

თამარ კვესიტაძის ნამუშევარი - "ალი და ნინოს" სკულპტურა გადატანის დროს დაზიანდა. დამსხვრეულია ნინოს სკულპტურა.