ე.წ. „ტრაქტორების საქმეზე"  ბრალდებულ მამუკა ივანიაძის ადვოკატმა მაია ხუციშვილმა დღეს პროკურატურაში სარჩელი შეიტანა. ადვოკატის თქმით, განცხადება ივანიაძეზე გახორციელებულ ზეწოლას ეხება.

"საუბარი არის იმ ფაქტზე, რომ საგამოძიებო მოქმდების ჩატარების პერიოდში ოთახში ვიღაც შემოვიდა, უფრო სწორად კარი შემოაღო, გაიყვანა გამომძიებელი და ჩვენ გასაგონად ეუბნებოდა, რომ გადაურეკეთ იმ ადამიანებს და უთხარით, რომ ქუჩაში არ დააკავონ, მაინც ყოფილი მინისტრიაო. თავად განსაჯეთ, არ შეიძლება მინისტრზე საუბარი შემთხვევით ყოფილიყო, შემთხვევით არ შეიძლება მოხდეს ეს ყველაფერი ზუსტად იმ კაბინეტში, სადაც საგამოძიებო მოქმედებები მიმდინარეობს. სწორედ ეს აღვიქვით ზეწოლად", - განაცხადა ადვოკატმა.