ჟურნალისტი ლუბა ელიაშვილი ტელეკომპანია „იმედის" გადაწყვეტილებას, 2016 წლამდე საზოგადოებრივ- პოლიტიკური გადაცემებისა და თოქ-შოუების დახურვის შესახებ სოციალურ ქსელში ეხმიანება.
„ძალიან მეწყინა ეს გადაწყვეტილება. მედია ხელისუფლების სარკეა. სარკეს მაშინ ფარავენ, როცა სახლში მიცვალებული უსვენიათ. რა ხდება დანიის სამეფოში? როგორც შექსპირი იტყოდა, რაღაც დალპა"- წერს ელიაშვილი.
ტელეკომპანია „იმედმა" დღეს განცხადება გაავრცელა:
„საშემოდგომო სატელევიზიო სეზონზე ტელეკომპანია იმედი დროებით აჩერებს საზოგადოებრივ-პოლიტიკური თოქ შოუების სეგმენტს.
ამის მიზეზია ჩვენი სურვილი შევცვალოდ არსებული გადაცემების ფორმატი და შევიმუშაოდ თვისობრივად ახალი სატელევიზიო პროდუქტი, რომელსაც შევთავაზებთ მაყურებელს 2016 წლიდან.
ამავე განცხადებაში დიდი მადლობა გვინდა გადავუხადოთ გადაცემების გუნდის წევრებს, რომელთაგან თითოეულს დიდი წვლილი აქვს შეტანილი იმედის საზოგადოებრივ-პოლიტიკური თოქ შოუების შექმნაში."- აღნიშნულია განცხადებაში.
