მინსკში საერთაშორისო კონკურსი „მის სამყარო 2015" გაიმართა. წელს გვირგვინის მფლობელი, კანადის წარმომადგენელი, ეშლი ბურნჰემი გახდა.

„ისე ვამაყობ, რომ ახალი „მის სამყარო" ვარ! კანადამ ეს კონკურსი პირველად მოიგო. ძალიან ბედნიერი ვარ!" - წერს ეშლი თავის „ინსტაგრამზე".

კონკურსი „მის სამყარო" მინსკში 24-დან 30 აგვისტოს ჩათვლით ჩატარდა, მსოფლიოს ყველაზე ლამაზი დაოჯახებული ქალბატონის ტიტულის მოსაპოვებლად, სულ 60 მონაწილე იბრძოდა. მეორე ადგილი სამხრეთ აფრიკელმა კონკურსანტმა დაიკავა, ხოლო მესამე ადგილის მფლობელი, უკრაინელი გოგონა გახდა.