„საზოგადოებრივი მაუწყებელი" აჭარის რაიონში მდებარე მწვანე ტბის შესახებ ინფორმაციას ავრცელებს. ჯერჯერობით უცნობია, როდის დაიწყება სპეციალური სამუშაოები მწვანე ტბაზე, სადაც მყვინთავებმა დიდი ოდენობით საბრძოლო მასალა აღმოაჩინეს.

18 მეტრის სიღრმეზე ტყვია-წამალი და სხვადასხვა სახის ფეთქებადსაშიში ჭურვებია ჩაძირული.

ზღვის დონიდან 2000 მეტრის სიმაღლეზე მდებარე ტბა ტურისტებში განსაკუთრებულად პოპულარულია.

ადგილობრივების განცხადებით, წყალში საბრძოლო მასალა ასლან აბაშიძის დროს მის დაქვემდებარებაში მყოფი სპეციალური სამსახურის წევრებმა დაძირეს.

მყვინთავების მიერ გაკეთებული აღმოჩენის შემდეგ, ტურისტებისთვის მწვანე ტბაში ბანაობა აიკრძალა.