სფფ-ის პრეზიდენტობის კანდიდატი მამუკა კვარაცხელია 2008 წლის 1 ივნისს, მიხეილ სააკაშვილის დავალებით მისი გატაცებისა და ცემის შესახებ საუბრობს.
კვარაცხელიას თქმით, მაშინ „ნაციონალური მოძრაობის" მიერ დარიგებული ზონდერები კვარაცხელიას სასტიკად გაუსწორდნენ, ხოლო შემდგომ მისი ოჯახის წევრებით ემუქრებოდნენ.
„სააკაშვილის ზონდერების მიერ სასტიკად ნაცემ-ნაბეგვი საავადმყოფოში რომ მიმიყვანეს, იქაც უშიშროების ოფიცრები დამადგნენ თავზე და ექიმების მაგივრადაც კი იღებდნენ გადაწყვეტილებებს.
მადლობა ღმერთს უეფაში ჩემი უშუალო უფროსი, ფრიც ალსტრიომი ყოველდღე მირეკავდა და ევროპული ფეხბურთის მმართველი ორგანოს ჩემი ჯანმრთელობის მდგომარეობის შესახებ ატყობინებდა.
მეტიც, ლეგენდარულ დანიელ ფეხბურთელებს- ძმებ მიქაელ და ბრაიან ლაუდრუკებს, რომლებიც მაშინ თბილისში, ფეხბურთიდან შოთა არველაძის გასაცილებელ მატჩში მონაწილეობის მისაღებად იმყოფებოდნენ, უეფამ ჩემი საავადმყოფოში მონახულება დაავალა.
სააკაშვილის ზონდერების გაოცება უნდა გენახათ, როცა ლაუდრეკებმა დამირეკეს და საავადმყოფოს მიმართი მკითხეს.
ჩემს მამიდავშილს პირდაპირ უთხრეს- კვარაცხელია გააფრთხილე, რომ ენას კბილი დააჭიროს, თორემ მის ოჯახს რაც დაემართება, პასუხს არ ვაგებთო. რას ვიზამდი? იძულებული გავხდი, საქართველო დამეტოვებინა და დანიაში გადავიხვეწე."- იხსენებს კვარაცხელია.
