საქართველოს საფეხბურთო ნაკრებმა  შოტლანდიის ნაკრები 1-0 დაამარცხა და აშკარად ერთ-ერთი საუკეთესო თამაში აჩვენა. გოლი ვაკო ყაზაიშვილის ანგარიშზეა, რომელიც მან 38-ე წუთზე შეაგდო.

შოტლანდიას თბილისში დაახლოებით 2000 ფანი ჩამოყვა, რომლებიც ხმაურიანად და გულმხურვალედ უჭერდნენ მხარს თავის გუნდს მთელი შეხვედრის განმავლობაში. მიუხედავად მათი რაოდენობისა, ქართველებს და სკოტებს შორის არავითარი ინციდენტი არ მომხდარა, თუ არ ჩავთვლით რამდენჯერმე დაძაბულ შელაპარაკებას, რომელიც ფეხბურთის განუყოფელი ნაწილია.

დღეს ერთ-ერთმა ქომაგმა მოგვაწოდა ინფორმაცია, რომ შოტლანდიურმა ფან-კლუბმა 5000 ევრო გადარიცხა ქართულ საქველმოქმედო ფონდში. ეს რა თქმა უნდა კიდევ ერთხელ ადასტურებს იმას, თუ რა მაგარი გულშემატკივრები ჰყავს შოტლანდიელებს.

წყარო: fexburti.ge