ჟურნალისტის, ინგა გრიგოლიას განცხადებით, რომელიც მან გადაცემა „არჩევანის" ეთერში გააკეთა, იგი ეთერში დაბრუნებას აუცილებლად გემავს, თუმცა ჯერ დასვენებას და ტაიმ-აუტის აღებას აპირებს.

„ახლა არაფერს ვგეგმავ, უფრო მეტსაც გეტყვით, მე საერთოდ არ მიმაჩნია სწორად 2-3 თვის განმავლობაში განვაახლო პოლიტიკური თოქ-შოუ, რადგან მე ახლა ძალიან ნაწყენი ვარ. შესაძლოა არ აღმოვჩნდე ისეთი ობიექტური, როგორსაც სულ ვცდილობდი რომ ვყოფილიყავი. ამიტომ 1-2 თვე დავისვენებ და ამის შემდეგ, თუ ვინმეს არ უნდოდა, რომ წინასაარჩევნოდ ჩემი გადაცემები ეთერში ყოფილიყო, მე მათ ვაძლევ გარანტიას, რომ მე ვიქნები პირდაპირ ეთერში, ძალიან ნაადრევია სიხარული, მე ვეცნობი ზოგიერთ მოსაზრებებს, ნუ გიხარიათ, მე ეთერში დავბრუნდები", - განაცხადა ინგა გრიგოლიამ.