benewsbatumi-ს ინფორმაციით, აჭარის ტელევიზია პოლიტიკურ თოქ-შოუებს დახურავს.

„სავარაუდოდ, აჭარის ტელევიზიაზე პოლიტიკური „თოქ-შოუები" იმავე ბედს გაიზიარებენ, რაც გაიზიარა ტელეკომპანია „იმედზე" ინგა გრიგოლიას „რეაქციამ" და „საზოგადოებრივ მაუწყებელზე" ეკა მიშველაძის გადაცემამ.

საზოგადოებისათვის ჯერჯერობით უცნობია, რა ბედი ეწევა აჭარის ტელევიზიაზე პოლიტიკურ თოქ- შოუებს, თუმცა როგორც „ბი ნიუსისთვის" გახდა ცნობილი, აჭარის საზოგადოებრივ მაუწყებელი ხურავს პოლიტიკურ თოქ-შოუებს, სავარაუდოდ, დაიხურება ლევან ზარგინავას გადაცემა „ფაქტორი". ასევე ჩვენთვის ცნობილი ხდება, რომ უკვე მიღებულია გადაწყვეტილება, დაიხუროს ცოტნე ანანიძის საზოგადოებრივ-პოლიტიკური თოქ-შოუ „პირისპირ", - წერს სააგენტო benewsbatumi.com.