გურჯაანის გამგეობასთან შეკრებილმა მევენახეებმა დღეს გადაწყვეტილება მიიღეს და 14 სექტემბრამდე აქციები შეაჩერეს. ისინი 14 სექტემბრის 12:00 საათამდე დაელოდებიან პარლამენტის დარგობრივი ეკონომიკისა და აგრარულ საკითხთა კომიტეტების გადაწყვეტილებას ყურძნის ჩაბარების ფასთან დაკავშირებით.
აქციის მონაწილეებს შეხვდა ღვინის ეროვნული სააგენტოს ხელმძღვანელი გიორგი სამანიშვილი. მისი ინფორმაციით, ამ დროისათვის 19 გადამამუშავებელი ქარხანა მუშაობს, საიდანაც 4 სახელმწიფოა.
სამანაშვილის განცხადებით, კოტეხის ღვინის ქარხანა რქაწითელს 70 თეთრად იბარებს და სახელმწიფოს მიერ დადგენილი ფასები არ გადაიხედება, რასაც გლეხების პროტესტი მოჰყვა.
ამას გარდა, ყვარლის რაიონის ოთხი სოფლის მოსახლეობა დღეს სოფელ გავაზში შეიკრიბა. მევენახეები მოითხოვენ, რომ ყურძენზე ფასები გაიზარდოს. მათთან შესახვედრად გაემგზავრა ღვინის ეროვნული სააგენტოს ხელმძღვანელი გიორგი სამანიშვილი.
