კონოთეატრ „ამირანში" სპეციალურად შექმნილმა კომისიამ გადაწყვეტილება უკვე მიიღო და ამერიკის კინოაკადემიის მთავარ ჯილდოზე საქართველოდან რეჟისორ ლევან თუთბერიძის „მოირა" იქნება წარდგენილი. ფილმი სპეციალურმა ჟიურიმ გამოავლინა. კომისიის შემადგენლობაში იყვნენ საქართველოს კულტურისა და ძეგლთა დაცვის მინსიტრის მოადგილე კახა კანდელაკი, ეროვნული კინოცენტრის დირექტორი ნანა ჯანელიძე, რეჟისორები ნანა ჯორჯაძე, ზაზა ურუშაძე, გიორგი ოვაშვილი, ასევე მსახიობი ნატო მურვანიძე, სცენარისტი ვაჟა გიგაშვილი, კინომცოდნე ლელა ოჩიაური და პროდიუსერი ნოშრე ჩხაიძე.
კომისიის წევრებმა რეჟისორ ლევან თუთბერიძეს გამარჯვება მიულოცეს.
ლევან თუთბერიძის ფილმ „მოირასთან" ერთად ასევე განიხილებოდა მოჰსენ მახმალბაფის „პრეზიდენტი", რომელიც ოთხი ქვეყნის: საქართველოს, საფრანგეთის, დიდი ბრიტანეთისა და გერმანიის კინოპროდუქციას წარმოადგენს.
როგორც ეროვნული კონოცენტრის დირექტორმა ნანა ჯანელიძემ ჟურნალისტებს განუცხადა, ლევან თუთბერიძის ფილმი მაყურებელს ჯერ არ უნახავს. იგი სან-სებასტიანის ფესტივალზე წარსდგება და პირველად იქ შეაფასებს საზოგადოება.
