სილამაზის საერთაშორისო კონკურსის „მის პლანეტა 2015"-ის გამარჯვებული ქართველი მოდელი, 18 წლის თინათინ ბაბლუანი გახდა. გამარჯვებულს ორგანიზატორებმა ექსკლუზიური ოქროს გვირგვინი გადასცეს.

პირველი, მეორე  და მესამე "ვიცე-მის პლანეტა 2015"-ის, ტიტულები შვეციის, ლატვიის და რუსეთის წარმომადგენლებს ერგოთ.

სილამაზის კონკურსის ფინალური ეტაპი თბილისში, ფილარმონიის დიდ საკონცერტო დარბაზში ჩატარდა და მასში მსოფლიოს 26 ქვეყნის ლამაზმანი მონაწილეობდა. კონკურსის ჟიური 20 სხვადასხვა ქვეყნის სპეციალისტისაგან იყო დაკომპლექტებული.