ოსური მედია დე-ფაქტო რესპუბლიკის ე.წ. უსაფრთხოების სამსახურზე დაყრდნობით იტყობინება, რომ სამხრეთ ოსეთის საოკუპაციო რეჟიმი საქართველოსთან ე.წ. საზღვარს სამი დღით ჩაკეტავს. ე.წ. საზღვრის ჩაკეტვა რუსეთის მიერ ე.წ. სამხრეთ ოსეთის დამოუკიდებლობის 25-ე წლისთავთან დაკავშირებით, უსაფრთხოების ზომების გამკაცრების მიზნით იგეგმება.

„მოქალაქეების გაშვება საქართველოსთან სახელმწიფო საზღვარზე 19, 20 და 21 სექტემბერს შეწყდება", - წერია ე.წ. უსაფრთხოების სამსახურის განცხადებაში.

ე.წ. საზღვარზე მიმოსვლა 22 სექტემბრიდან ჩვეულ რეჟიმში აღდგება. ოკუპირებულ ცხინვალში ე.წ. დამოუკიდებლობის დღეს 20 სექტემბერს აღნიშნავენ.