საპარლამენტო უმრავლესობის წევრის, გუგული მაღრაძის განცხადებით, „ქართულ ოცნებას" არანაირი მოტივი არ გააჩნია, რომ არჩევნების წინ არეულობა აწყობდეს. ამ თემაზე გუგული მაღრაძემ პარლამენტის რიგგარეშე პლენარულ სესიაზე სიტყვით გამოსვლისას, ზუგდიდსა და ბათუმში "ნაციონალური მოძრაობის" პრაიმერის დროს განვითარებული მოვლენების შეფასებისას განაცხადა. „ქართულ ოცნებას" არანაირი მოტივი არ გააჩნია იმისთვის, რომ არჩევნების წინ ასეთი ტიპის არეულობა აწყობდეს, იმიტომ რომ, ჩვენ დარწმუნებული ვართ ჩვენი კანდიდატის - გიორგი მარგველაშვილის გამარჯვებაში, მისი ბიოგრაფიის, მისი თვისებების და მისი გონიერებიდან გამომდინარე. ამიტომ, ასეთ შემთხვევაში ხელის გაშვერა „ქართული ოცნებისკენ" აბსოლუტურად უსაფუძვლოა. ასეთი რამ „ქართულ ოცნებას" არ სჭირდება და პირიქით, ჩვენ დაინტერესებული ვართ, რომ წინასაარჩევნო პერიოდი იყოს მაღალდემოკრატიულ დონის, რათა შემდგომ დამარაცხებულ პარტიას არ ჰქონდეს წინაისტორიის შექმნის საშუალება, რომ დაგვჩაგრეს და ამიტომ ვერ მივაღწიეთ რაღაც შედეგებსო", - განაცხადა გუგული მაღრაძემ.
