27 სექტემბერს, 20:00 საათზე, „რკინის თეატრი" გახსნის მე-5 სეზონს, სპექტაკლით „ფერმა" (ჯორჯ ორუელის „ცხოველების ფერმის" მოტივებზე).

როგორც „რკინის თეატრის" საზოგადოებასთან ურთიერთობის ხელმძღვანელმა ანა კვინიკაძემ „რეპორტიორს" განუცხადა, უახლოეს მომავალში იგეგემება პრემიერა - „სამანიშვილის დედინაცვალი".

„რკინის თეატრი" მდებარეობს ფანჯიკიძის (ბუდაპეშტის) 1 ნომერში, არის ახალი კულტურული კერა (თეატრის შენობა გაიხსნა 2014 წელს) ძალიან საინტერესო არქიტექტურით (თეატრის კონსტრუქციულ ნაწილში გამოყენებულია 100 ტონამდე რკინა). თეატრს, გამომდინარე თავისი უნივერსალური შესაძლებლობების მქონე სივრცით და ყველასგან განსხვავებული თეატრალური ესთეტიკით, ანალოგი არ ჰყავს არა მარტო საქართველოში, არამედ მის ფარგლებს გარეთაც.

ამჟამად თეატრის რეპერტუარში ორი სპექტაკლია: „ფერმა"(ჯორჯ ორუელის „ცხოველების ფერმის" მიხედვით) და „სულ სხვა ოპერა" (ბერტოლტ ბრეხტის „სამგროშიანი ოპერის" მოტივებზე)", - განაცხადა ანა კვინიკაძემ.

თეატრის დამფუძნებელი და სამხატვრო ხელმძღვანელია კოტე მარჯანიშვილისა და სანდრო ახმეტელის პრემიების ლაურეატი, რეჟისორი დავით ანდღულაძე.