პარლამენტის თავმჯდომარე დავით უსუფაშვილი ოკუპირებული ტერიტორიების შესახებ კანონთან დაკავშირებით უმცირესობის წევრების კონკრეტულ წინადადებას ელის. "უმცირესობას კიდევ ერთხელ მინდა შევახსენო - მე დღემდე ველი თქვენგან კონკრეტულ წინადადებას "ოკუპაციის შესახებ კანონთან" დაკავშირებით. ასე რომ, ნუ წარმოაჩენთ ისე, თითქოს თქვენ ამ თემაზე კონკრეტული წინადადებები გქონდათ და არ მოგისმინეთ. როცა ისეთ სერიოზულ თემებზეა საუბარი, როგორიცაა ოკუპაცია, არაფერი გამოგვივა, თუ ყველა არ გავერთიანდებით. "ნაციონალური მოძრაობა" რომ ვერ გაუმკლავდა, არ ნიშნავს იმას, რომ "ქართული ოცნება" გაუმკლავდება ან რომელიმე სხვა პოლიტიკური ძალა, სახელმწიფო უნდა გაუმკლავდეს მას და ამიტომაც საჭირო სახელმწიფოებრივი პოზიციები ყველა კანონთან დაკავშირებით", - განაცხადა უსუფაშვილმა.
