პარლამენტის თავმჯდომარის, დავით უსუფაშვილის განცხადებით, პარტიების დაფინანსების საკითხის განხილვა სამი თვით გადაიდო. „ეს ეხება პოლიტიკურ პარტიების დაფინანსების ზრდას. ყველა სხვა ნიუანსი, რომელიც განვიხილეთ იმ კანონპროექტშია ასახული, რომელიც პარლამენტშია შემოსული. მინდა პოლიტიკური პარტიების წარმომადგენლებს შევახსენო, რომ  ამ საკითხზე გადაწყვეტილების გადადებით ფინანსური თვალსაზრისით მხოლოდ ისინი არ არიან დაზარალებულები. ყველა პოლიტიკური პარტია, ვინც ამ მაგიდის გარშემოა წარმოდგენილი, მეტად თუ არა, ნაკლებად არ არიან დაზარალებულნი ამ შემთხვევაში. პოლიტიკური პარტიები არ დაგვიყვია საპარლამენტო და არასაპარლამენტო პარტიებად",-განაცხადა დავით უსუფაშვილმა.