თელ-ავივის უნივერსიტეტის პროფესორმა ლეონარდო ლიდერმანმა სასტუმრო „რედისონში" „ბანკების მმართველთა კლუბის" კონფერენციაზე განაცხადა, რომ დედოლარიზაცია არ არის მხოლოდ საქართველოს პრობლემა, ეს არის გლობალური მოვლენა.

„ეს გლობალური მოვლენაა. ითვალისწინებს სხვადასხვა ფაქტორებს, მათ შორის დოლარის აფასებას, ნავთობის მკვეთრად გაიაფებას და საპროცენტო განაკვეთების კლებას აშშ-ის იურისდიქციაში. ეს ყველაფერი სხვა ქვეყნებზეც აისახება. ცხადია, ეს არ არის მხოლოდ საქართველოს პრობლემა. ეს დამახასიათებელია ყველა მაღალი დოლარიზაციის მქონე ქვეყნებში", - განაცხადა ლეონარდო ლიდერმანმა.

მისი თქმით, საქართველოში გატარებული პოლიტიკა ერთადერთი სწორი პოლიტიკაა, რასაც ბევრი ქვეყანა ატარებს.

„ეს არის სწორი გამოსავალი. მსგავსი მიდგომები გამოიყენება ბევრ სხვა ქვეყნებში. ამით ცდილობენ ეკონომიკის გაჯანსაღებას. ხორვატიაში 2004-2005 წლებში მთლიანი სასესხო პორტფელი იყო 90% დოლარში, ახლა ხორვატიაში 50-55%-ია დოლარში. დედოლარიზაციის პროცესი საქართველოში ბოლო პერიოდში აღინიშნება. ეს ნელ-ნელა სავალუტო შოკების შერბილებაზე მუშაობს", - განაცხადა ლეონარდო ლიდერმანმა.