დღეს გიგა ლორთქიფანიძის სახელობის სკვერში (ელბაქიძის ქუჩის დასაწყისში, საათების მოედანთან) რეჟისორის ბიუსტი გაიხსნა. გახსნის ცერემონიას ესრებოდნენ რეჟისორის ოჯახის წევრები, თეატრის და კინოს მსახიობები, საზოგადო მოღვაწეები. გიგა ლორთქიფანიძის ბიუსტი დედაქალაქის მერმა დავით ნარმანიამ გახსნა.

„გიგა ლორთქიფანიძის გარდაცვალების შემდეგ, მოქანდაკე ზურაბ წერეთელმა შექმნა რეჟისორის ბიუსტი და უსასყიდლოდ გადასცა ოჯახს. ოჯახმა მიმართა ქალაქ თბილისის მერიას, რომ ბიუსტი გიგა ლორთქიფანიძის სახელობის სკვერში ყოფილიყო. პროექტის განხორციელებაც ქალაქ თბილისის მერიამ დაიწყო და სისრულეში მოიყვანა", - აცხადებს რუსთაველის თეატრის მსახიობი ედმონდ მინაშვილი „რეპორტიორთან" საუბრისას.