„ინტერფაქსის" მიერ გავრცელებული ინფორმაციით, რუსულმა ბომბდამშენებმა პირველი იერიში სირიის პროვინცია ჰომსთან განლაგებულ „ისლამური სახელმწიფოს" პოზიციებზე ლატაკიის ავიაბაზიდან მიიტანა. „ბოევიკების" პოზიციები „სუ-24" ტიპის ბომბდამშებიდან დაბომბეს.

„როიტერის" ინფორმაციით, პროვინცია ჰომსზე ავიაიერიშები სირიის სამხედრო-საჰაერო ძალებმაც მიიტანეს. შედეგად დაიღუპა 27 ადამიანი, მათ შორის 6 ბავშვია.

სამხედრო დახმარება სირიის პრეზიდენტმა ბაშარ ალ-ასადმა ვლადიმირ პუტინისადმი მიწერილ წერილში ითხოვა. მოგვიანებით, რუსეთის ფედერაციის საბჭომ ერთხმად დაუჭირა მხარი სირიაში რუსეთის საჰაერო ძალების გამოყენებას. რაც შეეხება სახმელეთო ოპერაციას, ვლადიმირ პუტინის განცხადებით, რუსეთი მასში ჩართვას არ აპირებს.