„უარესებს იტყვიან, უარესებს დაწერენ, როლანდ ახალაია სასამართლოს ფანჯრებს ჭიქებს ესვრის და არავინ არ აკავებს" - ასე გამოეხმაურა „ეროვნულების" ლიდერი სანდრო ბრეგაძე „ფეისბუქის" საკუთარ გვერდზე ნიკა გვარამიას განცხადებას, რომელიც მან ენერგეტიკის მინისტრის მისამართით გააკეთა. როგორც სანდრო ბრეგაძემ აღნიშნა, „ნაციონალები" შეტევაზე გადმოდიან - „ ყველა ტელევიზიაში ნაცები შეტევაზე არიან გადმოსულები და კაციშვილი პასუხს ვერ ცემს, უცხოეთი ხომ საერთოდ ოკუპირებული აქვთ " - აცხადებს ბრეგაძე

„რუსთავი 2"-ის გენერალურმა დირექტორმა, ნიკა გვარამიამ,  Facebook-ის საკუთარ გვერდზე, საქართველოს ენერგეტიკის მინისტრის, კახი კალაძის განცხადებას გამოეხმაურა, რომლის თანახმად, „თელასმა" მილიონი დოლარის სანაცვლოდ საგადასახადო შემოწმება აიცილა. როგორც გვარამიამ აღნიშნა, კალაძე ინფოზურია და სჯობს თავის საქმეს მიხედოს. რაც შეეხება ქრთამს, გვარამიას თქმით, ინვესტორების წილში ჩამჯდომების ამბები მათამდეც აღწევს...