ამერიკელი სპეცსამსახურების ყოფილი თანამშრომელი ედვარდ სნოუდენი ბი-ბი-სისთვის მიცემულ ინტერვიუში ამბობს, რომ დიდი ბრიტანეთის სამთავრობო კავშირის აპარატს აქვს საშუალება მფლობელების ნების გარეშე შეაღწიონ მათ ტელეფონებში. ამისთვის საკმარისია გაიგზავნოს დაშიფრული ტექსტური შეტყობინება კონკრეტულ ნომერზე და სპეცსამსახურებს შეეძლებათ არა მარტო ყველაფრის მოსმენა, არამედ ფოტოგრაფირებაც.
ბრიტანეთის ხელისუფლებამ კომენტარზე უარი განაცხადა.
სნოუდენმა ბი-ბი-სი „პანორამა"-სთვის მოსკოვში მიცემულ ინტერვიუში აღნიშნა,რომ ამერიკის ნაციონალური უსაფრთხოების სააგენტო მიყურადებისა და მოსმენების ფართომასშტაბიან პროგრამას ახორციელებს, ამისთვის ბრიტანელ კოლეგებთან ერთად შეიმუშავეს ტექნოლოგია, რომელთა მეშვეობითაც სმარტფონებში შეღწევა შეუძლიათ. „მათ უნდათ თქვენი ტელეფონები, და არა თქვენ".
ედვარდ სნოუდენის თქმით Dreamy Smarf-ი წარმოადგენს კვების ბლოკის მართვის ინსტრუმენტს, რაც იმას ნიშნავს, რომ თქვენი ტელეფონი შეუძლიათ ჩართონ და გამორთონ, როცა მოესურვებათ. მოისმინონ საუბარი, სპეციალური გეოლოკაციური ინსტრუმენტით დიდი სიზუსტით დაადგინონ თქვენი ადგილმდებარეობა და ა.შ.
