ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ალექსი პეტრიაშვილმა უკრაინის დედაქალაქში მსოფლიო ეკონომიკურ ფორუმში მიიღო მონაწილეობა. ფორუმზე სახელწოდებით „სტრატეგიული დიალოგი უკრაინის მომავალზე" ალექსი პეტრიაშვილი სიტყვით გამოვიდა, სადაც ვილნიუსის სამიტის მნიშვნელობასა და საქართველოში მიმდინარე დემოკრატიული პროცესებზე ისაუბრა.

„ხაზგასმით აღინიშნა საქართველოს მიერ საპრეზიდენტო არჩევნების წარმატებით ჩატარება, ასევე ხაზგასმით აღინიშნა საქართველოს საგარეო  საქმეთა პრიორიტეტების უცვლელობა და  საქართველოსთვის ვილნიუსის სამიტის მნიშვნელობა." - განაცხადა ალექსი პეტრიაშვილმა.