გერმანიის კანცლერმა ანგელა მერკელმა და დიდი ბრიტანეთის პრემიერ-მინისტრმა დევიდ ქემერონმა შეხვედრის შემდეგ განაცხადეს, რომ დიდი ბრიტანეთი და გერმანია რუსეთის წინააღმდეგ დაწესებული სანქციების შენარჩუნებას უჭერენ მხარს.

ანგელა მერკელი და დევიდ ქემერონი აცხადებენ, რომ ევროკავშირის სანქციები ძალაში უნდა იყოს მანამ, სანამ უკრაინის კონფლიქტის დარეგულირებისკენ მიმართული მინსკის შეთანხმებები ბოლომდე არ შესრულდება. ამასთანავე, ორი ქვეყნის ლიდერებმა ხაზგასმით აღნიშნეს უკრაინისთვის ფინანსური და პრაქტიკული მხარდაჭერის მნიშვნელობა.

დევიდ ქემერონმა და ანგელა მერკელმა ასევე, სირიაში არსებული ვითარებასა და ტერორისტულ საფრთხეებზე იმსჯელეს.