თურქული სააგენტო „Dogan"-ის ცნობით, თურქეთის დედაქალაქ ანკარაში მომხდარი 2 აფეთქების შედეგად სულ მცირე 20 ადამიანი დაიღუპა და უამრავი დაშავდა.

2 ძლიერი აფეთქება ანკარას რკინიგზის სადგურის რაიონში მოხდა. მედიის ცნობით, ასაფეთქებელი მოწყობილობები მაშინ აფეთქდა, როცა რაიონში აქტივისტები მშვიდობიან აქციაში მონაწილეობის მისაღებად იკრიბებოდნენ.

„CNN turk"-ის ინფორმაციით, ადგილზე მობილიზებულია სასწრაფო დახმარების უამრავი მანქანა. თვითმხილველების განცხადებით, აფეთქება იმდენად ძლიერი იყო, რომ ახლომდებარე შენობები დააზიანა. მომხდარის შესახებ სხვა დეტალები ჯერჯერობით უცნობია.