რუსეთის თავდაცვის სამინისტროს ოფიციალური წარმომადგენელის იგორ კონაშენკოვის განცხადებით, ბოლო 24 საათის განმავლობაში რუსეთის საბრძოლო თვითმფრინავებმა სირიაში 64 გაფრენა განახორციელეს და „ისლამური სახელმწიფოს" 55 ობიექტი გაანადგურეს.

მისი ინფორმაციით, ავიაციამ „ისლამური სახელმწიფოს" 29 საველე ბანაკი, 2 სამეთაურო პუნქტი, საბრძოლო მასალების საწყობი და სხვა ობიექტები გაანადგურა.

„ჩვენი ავიაციის საბრძოლო გაფრენების გახშირება უკავშირდება იმას, რომ სირიის მთელ ტერიტორიაზე ჩვენი საჰაერო და კოსმოსური დაზვერვის საშუალებებმა დიდი რაოდენობით სახმელეთო სამიზნე გამოავლინეს", - განაცხადა იგორ კონაშენკოვმა.

რუსეთის სამხედრო-საჰაერო ძალები სირიის ტერიტორიის დაბომბვას 30 სექტემბრიდან ახორციელებენ.