თურქეთის დედაქალაქ ანკარაში მომხდარი ტერაქტის გამო, სამდღიანი გლოვა გამოცხადდა. აღნიშნული გადაწყვეტილება თურქეთის პრემიერ-მინისტრმა აჰმეთ დავუთოღლუმ მიიღო.

აჰმეთ დავუთოღლუს თქმით, გამოძიებას გააჩნია არსებითი მტკიცებულებები, რომ ტერაქტი ანკარაში ორმა თვითმკვლელმა ტერორისტმა განახორციელა.

„ეს არის დანაშაული ჩვენი სტაბილურობის, ერთობის წინააღმდეგ. ეს არის თავდასხმა დეოკრატიასა და სტაბილურობაზე. ვინც არ უნდა იდგეს ამ ტერაქტის უკან, ჩვენ განწობილი ვართ უკომპრომისო ბრძოლისთვის ტერორის წინააღმდეგ. მოგიწოდებთ, რომელი პარტიის წარმომადგენლებიც არ უნდა იყოთ, რა მოსაზრებებსაც არ უნდა იზიარებდეთ, მოდით ერთად აღვუდგეთ წინ ტერორიზმს", - განაცხადა პრემიერმა.