რუსული მედია, ირანულ სააგენტო „IRNA"-ზე დაყრდნობით იტყობინება, რომ ერაყში, ავიაიერიშის შედეგად თარხან ბათირაშვილი, მეტსახელად უმარ ალ-შიშანი დაიღუპა.
„ერაყის სამხედრო-საჰაერო ძალებმა ავტოკოლონა დაბომბეს, რომელშიც „ისლამური სახელმწიფოს" ლიდერი აბუ ბაქრ ალ-ბაღდადი და კიდევ რამდენიმე საველე მეთაური იმყოფებოდნენ. ავიაიერიშის შედეგად ალ-ბაღდადი დაიჭრა, მისი 3 მოადგილე კი - უმარ ალ-შიშანი, აბუ საიდ ალ-კარბული და აბუ ანის ას-სური დაიღუპნენ", - წერს „IRNA".
ერაყულმა თვითმფრინავებმა ავიადარტყმა ერაყის დასავლეთში, პროვინცია ანბარში, სირიის საზღვრის სიახლოვეს მიიტანეს.
„როიტერის" ინფორმაციით, მიკრობლოგში „ტვიტერზე", სადაც „ისლამური სახელმწიფოს" განცხადებები ქვეყნდება ხოლმე, იუწყებიან, რომ ალ-ბაღდადზე თავდასხმის ამბავი ერაყელი სამხედროების მორიგი ჭორია.
