„ახალგაზრდა იურისტთა ასოციაციის" თავმჯდომარე კახა კოჟორიძე მთავარი პროკურორის გადადგომის შესახებ გადაწყვეტილებას ეხმაურება. კოჟორიძე მიიჩნევს, რომ კბილაშვილს მთავარი პროკურორობა საკმაოდ მძიმე პერიოდში მოუწია. 

„როცა ის მთავარ პროკურორად დაინიშნა, პროკურატურას  განცხადებები  რამდენიმე ათასი ადამიანი მიაწყდა. საუბარი წინა ხელისუფლების დროს ჩადენილ ძალიან მძიმე დანაშაულებებზე იყო და ეს ათასობით განცხადება პროკურატურას ძალიან მძიმე ტვირთად დააწვა. თავად ბატონი არჩილი აცხადებდა, რომ 333 პროკურორიდან თითოეულ მათგანს გარკვეულ კანონდარღვევებს აბრალებდნენ. აქედან გამომდინარე, პროკურორს საშტატო ცვლილებები უნდა მოეხდინა"- განაცხადა კახა კოჟორიძემ.