ბიზნესმენმა ქიბარ ხალვშმა ტელეკომპანია „რუსთავი 2"-ის თემაზე მიმდინარე დავის შესახებ ისაუბრა. ხალვაშის განცხადებით, თუ სამართლებრივი დავა მის სასარგებლოდ დასრულდება და ტელეკომპანია „რუსთავი 2"-ს დაიბრუნებს, ჟურნალისტები წნეხისგან გათავისუფლდებიან.

„რუსთავი 2"-ის თითოეულ თანამშრომელს ვპირდები იმას, რომ მათ არ მოუხდებათ წნეხის ქვეშ მუშაობა. მე დღეს დარწმუნებული ვარ, რომ ნამდვილად წნეხის და დიდი კონტროლის ქვეშ მუშაობენ. ეს ხალხი ამ წნეხისგან განთავისუფლდება და შევპირდები იმას, რომ სახელფასო ბიუჯეტი, რომელიც დღეს სხვანაირად ნაწილდება „რუსთავი 2"-ში, დიდი ნაწილი მიდის ადამიანებზე, რომლებსაც ვთქვათ, ნამუსზე აქვთ ხელი აღებული და პატარა ნაწილი პროფესიონალებზე,  ნამუსზე ხელაღებულთა ბიუჯეტს გადავანაწილებთ პროფესიონალებზე. მე ვერ შევპირდები 100%-ით ყველას, რომ იქ სამსახურში იქნება. ე.წ. ზონდერი ჟურნალისტების გარდა, ყველა იმუშავებს. ეგ იქნება დაახლოებით არაუმეტეს 10 ადამიანისა", - განაცხადა ხალვაშმა ტელეკომპანია „იმედის" პირდაპირ ეთერში საუბრისას.