არჩილ კბილაშვილს ოთარ ფარცხალაძე შეცვლის, მთავარი პროკურორის ვინაობა უკვე ცნობილია. 37 წლის ოთარ ფარცხალაძე ამ დროისთვის ფინანსთა სამინისტროს საგამოძიებო სამსახურის ხელმძღვანელის პოსტს იკავებს. შეგახსენებთ, რომ არჩილ კბილაშვილმა, მთავარი პროკურორის თანამდებობიდან გადადგომის შესახებ განცხადება გუშინ, 7 ნოემბერს გააკეთა. კბილაშვილი სამოქალაქო სექტორში გადადის, ოფიციალურად კი პოსტს, პრეზიდენტის ინაუგურაციის შემდეგ დატოვებს.

ფარცხალაძის დანიშვნას ქალაქის მერი გიგი უგულავა მცირედი კომენტარით გამოეხმაურა. უგულავამ აღნიშნა, რომ კბილაშვილის მოღვაწეობა, მისი დანიშვნისთანავე შეაფასა და ამ ეტაპზე საუბარი ზედმეტად მიაჩნია.

„როდესაც დაიწყო ამ კაცმა მოღვაწეობა მაშინ შევაფასე, ახლა აღარ შევაფასებ"  - აღნიშნავს უგულავა.