მთავარმა პროკურორმა გიორგი ბადაშვილმა ე.წ. კასრების საქმეზე კომენტირებისას ჟურნალისტებს განუცხადა, რომ სექსუალური ძალადობის ამსახველი კადრების გავრცელების საქმე პირად კონტროლზე ჰყავს აყვანილი.
„თქვენ იცით, რომ ამ საკითხებზე გამოძიება მიმდინარეობს. პირად კონტროლზე მყავს აყვანილი ეს საქმე. განიხილება მრავალი ვერსია, მათ შორის საინტერესოა, თუ როგორ მოხვდა უკრაინის მედიასივრცეში ეს კადრები", - განაცხადა გიორგი ბადაშვილმა.
მთავარი პროკურორის განცხადებით, აღნიშნული კადრები კონკრეტულ სისხლის სამართლის საქმეში დევს.
„ეს კადრები დართული აქვს სისხლის სამართლის საქმეს, რომელსაც იძიებდა შინაგან საქმეთა სამინისტრო პროკურატურის ზედამხედველობით. შესაბამისად, გადაცემულია ეს კადრები როგორც მხარეებისთვის, ისე დართულია საქმეზე",- განაცხადა გიორგი ბადაშვილმა.
