„რეპორტიორის" პრესკლუბში ექსპერტმა კახა კახიშვილმა სამინისტროების ერთწლიანი მუშაობა შეაფასა და აღნიშნა, რომ ყველა უწყებას წლის განმავლობაში, მეტის გაკეთების საშუალება ჰქონდა.

„ვფიქრობ, რომ ყველა სამინისტროს მეტი შეეძლო გაეკეთებინა. ეს წელი ამის შესაძლებლობას იძლეოდა. აუცილებელია კანონპროექტების მომზადება, ბევრი ცვლილებაა ქვეყანაში საჭირო. მაგალითად, რა აუცილებელია სასჯელაღსრულების სამინისტრო? დღეს, როდესაც პროკურატურა აღარ არის იუსტიციის სამინისტროს დაქვემდებარებაში, სასჯელაღსრულების სამინისტროს ფუნქციას ვერ ვხვდები"- აცხადებს ექსპერტი.