სამედიცინო ექსპერტი მაია ნიკოლეიშვილი უკრაინული მედიის მიერ გავრცელებულ შემზარავ კადრებთან დაკავშირებით სოციალურ ქსელში წერს:
„ისევ შემძრა უკრაინაში გავრცელებულმა კადრებმა, კადრებმა ჩვენი სირცხვილისა, კადრებმა ქართველთ ნაცხელისუფლების კაციჭამიობისამ, კადრებმა რეჟიმის სისასტიკისამ, კადრებმა არაადამიანობისამ... კადრებმა, რომელთა ნახვაც ნებისმიერ ნორმალურ ადამიანს ემოციის გამოსახატავად სიტყვების ნაკლებობას აგრძნობინებს.
-როდემდე? -ეს ჩემი ერთადერთი კითხვაა. როდის დასრულდება ეს ქრონიკული წამება? რამდენი წელი უნდა გაგრძელდეს?
-დანაშაული სრულდება მხოლოდ მაშინ, როცა დაისჯება დამნაშავე, მანამდე ის ჰაერში ბუდობს, ქუჩაში ბუდობს, გულებში ბუდობს, ფსიქიკაში ბუდობს! ის მიტევებადია, მაგრამ არდავიწყებადი! მას მხოლოდ სამართლიანობის აღდგენა ანეიტრალებს!
ერთ-ერთმა ყოფილმა ნაცპოლიტიკოსმა თქვა გუშინ, ჩვენ იმ „შეცდომებისთვის" პოლიტიკური ფასი გადავიხადეთო, წავედითო ხელისუფლებიდან!!! ეს ფასი მათთვის დიდია, დანარჩენი საზოგადოებისათვის - ჩალის ფასია!
დამნაშავე რეჟიმი უნდა დასრულდეს! რეჟიმი დასრულდება მაშინ, როცა ის გასამართლდება!" - წერს ნიკოლეიშვილი.
