რამდენიმე წუთის წინ მოსამართლე თამაზ ურთმელიძემ გადაწყვეტილება მიიღო და მოპასუხე მხარის ადვოკატების შუამდგომლობა დააკმაყოფილა, შესაბამისად, სასამართლო სხდომა ხვალისთვის გადაიდო. ერთ საათში მოპასუხე მხარის ადვოკატებს მისცემენ გუშინდელი სხდომის ოქმს - სასამართლო დარბაზში არსებული კამერების ჩანაწერს. როგორც მოპასუხე მხარის ადვოკატმა ზაზა ბიბილაშვილმა „რუსთავი 2"-ის პირდაპირ ეთერში განაცხადა, გუშინ სასამართლო სხდომაზე დაკითხული ექსპერტის ჩვენება არაარგუმენტირებულ ქაღალდებს ეყრდნობოდა, შესაბამისად, ამ ფირის საფუძვლიანი გაშიფვრა საჭიროა:
„გვჭირდება, გუშინდელი სხდომის ოქმი დეტალურად გავიაროთ, რადგან იქ გამოვლინდა ექსპერტის არაკომპეტენტურობა, მოუმზადებლობა. ის დაეყრდნო ფურცლებს, რომელსაც არავითარი შინაარსი არ აქვს. ვითხოვდით სხდომის ორშაბათისთვის გადადებას, თუმცა მოსამართლემ ეს თხოვნა არ დააკმაყოფილა და ხვალისთვის ჩაინიშნა მორიგი სხდომა", - განაცხადა ბიბილაშვილმა.
„რუსთავი 2"-ის საქმეზე სასამართლო სხდომა ხვალ, 11:00 საათზე დაიწყება.
