აშშ-ის საზღვაო ქვეით ძალებს დაარსებიდან 238-ე წელი შეუსრულდა. საზეიმო ღონისძიება სამხრეთ ვაზიანის სამხედრო ბაზა „ალგეთი 2"-ზე გაიმართა. ამერიკელ სამხედროებს დაბადების დღე შპს „ქართული კვების კომპანიის" დირექტორმა გიორგი როგავამ სადღესასწაულო ტორტით მიულოცა.

დღესვე, ამერიკელმა ქვეითებმა შპს „ქართული კვების კომპანიის" ხელმძღვანელს კარგი მუშაობისთვის მადლობა გადაუხადეს და „ალგეთი 2"-ის ბაზაზე მდებარე სასადილოს 12 თანამშრომელს  სიგელები გადასცეს. თავის მხრივ, კომპანიის სახელით,  სასადილოს თანამშრომლები მადლობის სიგელებით დააჯილდოვა  ასევე გიორგი როგავამ.