დიასპორის საკითხებში სახელმწიფო მინისტრის მოადგილე სანდრო ბრეგაძე გავრცელებულ აუდიოჩანაწერებთან დაკავშირებით „რეპორტიორთან" საუბარში ამგვარ კომენტარს აკეთებს:

„ერთი და მხოლოდ ერთი კითხვა მაქვს ჩვენი მოძმე უკრაინის პოლიტიკური ხელმძღვანელობის მიმართ - იმერეთის, სამეგრელოს ან კახეთის გუბერნატორის ჩანაწერი რომ გამოქვეყნებულიყო, სადაც გუბერნატორი ბოევიკების ჩამოყვანას, ბარიკადების აშენებას, სროლის პროვოცირებას და სისხლისღვრას ავალებს ექსტრემისტებს, ამ შემთხვევაში რას მოიმოქმედებდით? ალბათ, მინიმუმ პროვოკატორი და გადატრიალების მომწყობი გუბერნატორის დეპორტაციას და დაკავებას მოითხოვდით. ამიტომ ჩვენ რა ვქნათ? თქვენ თავად გაგვეცით პასუხი.

ნორმალური ჰგონია ვინმეს, რომ მეგობარი ქვეყნის გუბერნატორი სისხლიან გადატრიალებას გეგმავს საქართველოში? ვფიქრობ, დროა სასწრაფო წესით მოხსნან თანამდებობიდან ქართველი და უკრაინელი ხალხის მტერი მიხეილ სააკაშვილი!", - აცხადებს ბრეგაძე.

http://reportiori.ge/?menuid=3&id=79767

http://reportiori.ge/?menuid=3&id=79766